Inicio > AXUDAS ÁS FAMILIAS NUMEROSAS

Unha Familia Numerosa é a unidade familiar formada por un ou dous ascendentes e tres ou mais fillas ou fillos, sexan ou non comuns.
E aquelas que estean formadas por:

Unha ou dúas persoas ascendentes con dúas fillas ou fillos, sexan ou non comúns, sempre e cando unha destas sexa discapacitada ou estea incapacitada para traballar.
Dúas persoas ascendentes, cando ambas fosen discapacitadas, ou como mínimo unha delas tivese un grao de discapacidade igual ou superior ao 65%, ou estivesen incapacitadas para traballar, con dúas fillas ou fillos, sexan ou non comúns.
A nai ou o pai separados ou divorciados, con tres ou máis fillas ou fillos, sexan ou non comúns, aínda que estean en distintas unidades familiares ou non vivan no domicilio conxugal, sempre que estean baixo a súa dependencia económica.
Dúas ou máis irmás e irmáns orfos de nai e de pai sometidos a tutela, acollemento ou garda, que convivan coa persoa titora, acolledora ou gardadora, pero que non estean ás súas expensas.
Tres ou máis irmás ou irmáns orfos de nai e de pai, maiores de 18 anos (ou dous, se un deles é discapacitado), que convivan e teñan unha dependencia económica entre eles.
Nai ou pai con dúas fillas ou fillos, cando falece a outra persoa proxenitora.

Requisitos

Os fillos/as e irmáns/ás deben reunir as seguintes condicións:

Seren solteiros/as e menores de 21 anos, ou seren persoas discapacitadas ou estaren incapacitados/as para traballar. Amplíase a idade ata os 25 anos se cursan estudos axeitados a súa idade ou titulación ou encamiñados á obtención dun posto de traballo.
Conviviren co ascendente ou ascendentes.
Dependeren economicamente deles.
Os membros da familia numerosa deben residir legalmente no territorio do Estado español.

Categorias

Especial: as de cinco ou máis fillos/as e as de catro, sempre que tres procedan de parto, adopción ou acollemento permanente ou preadoptivo múltiples. Tamén as de catro fillos/as cando os seus ingresos anuais, divididos polo número de membros que as compoñen, non superen en cómputo anual o 75% do IPREM vixente.
Xeral: as restantes unidades familiares. Cada fillo/a con discapacidade computa como dous para os efectos de determinar a categoría.

Beneficios

Deducións fiscais.
Bonificación do 45% nas cotas á Seguridade Social para a contratación de coidadores/as ao servizo da familia.
Incremento do límite de ingresos para ter dereito á asignación económica da Seguridade Social por fillo/a a cargo menor de 18 anos.
Exencións e bonificacións en taxas e prezos nas matrículas ou expedición de títulos no ámbito educativo.
Redución das tarifas de transporte por estrada, ferrocarril, marítimo e aéreo (dependendo da categoría).
Beneficios no acceso á vivenda, para a realización de actividades de lecer, culturais, etc.
Dedución do canon de saneamento para usos domésticos da auga.
Redución do 50% da taxa de matriculación do vehículo.
Carné Familiar Galego.

Para ter dereito aos beneficios é imprescindible ter o Título de Familia Numerosa en vigor.

Documentos Adxuntos