Inicio > MEDIACIÓN FAMILIAR

A mediación familiar é un procedemento de resolución de conflitos, extraxudicial e voluntario, que mediante a intervención dunha persoa profesional especializada no eido psico- socio-familiar, trata de axudar as parellas que teñen ou tiveron unha relación, co obxectivo de resolver de mutuo acordo as consecuencias da separación, nulidade, divorcio ou ruptura da súa relación, e ofrecerlles unha solución pactada para a súa problemática.

Obxetivos

Darlle á parella a oportunidade de separarse do xeito menos conflitivo posible.
Axudar a parella a resolver por si mesma as discrepancias mantidas respecto da súa separación para que tome as decisións máis axeitadas, fomentando a co-parentalidade e reducindo o risco de que as/os menores se utilicen como moeda de cambio na negociación.
Conseguir acordos duradeiros e que se incumpran menos, xa que os pactos negociados e aceptados libremente perduran sobre os impostos.

¿Como se accede?

As persoas interesadas deben presentar unha solicitude de designación de mediadores familiares (anexo II do Decreto 159/2003, do 31 de xaneiro) e documentación requerida. Poderán presentala de xeito conxunto ou unha das partes, proporcionando os datos da outra parte para solicitar o seu consentimento. Poderán elixir a persoa mediadora entre os/as profesionais inscritos/as no Rexistro de Persoas Mediadoras de Galicia. Se non hai acordo, será designado pola Consellería de Traballo e Benestar.

Documentación necesaria

Para solicitar a mediación, presentarase cuberto o Anexo II do Decreto 159/2003, do 31 de xaneiro, publicado no DOG do 4 de marzo de 2003. E no caso de aqueles que poidan beneficiarse da asistencia xurídica gratuíta, deberán presentar o Anexo III xunto coa documentación que se indica nel

Subprograma Mediagal

Que é Mediagal?
Unha liña de axudas de cobertura do custo dos procesos de mediación. Consiste na adxudicación e entrega ás persoas beneficiarias de cheques de servizo gratuíto cun valor nominal establecido normativamente por sesión, ata un máximo de 6 sesións.
Como se accede?
A través dunha orde anual de axudas, sendo necesaria a presentación dunha instancia e documentación requerida.
Que requisitos deben cumprir?

Residir en Galicia.
Que iniciasen ou solicitasen a iniciación dun proceso de mediación con algunha das ou dos profesionais inscritos no Rexistro de Mediadoras e Mediadores Familiares de Galicia e estean adheridos ao programa Mediagal de mediación familiar galega.

Documentos Adxuntos