Inicio > IV PLAN INTEGRAL DE APOIO ÁS FAMILIAS

O IV Plan Integral de Apoio ás Familias constitúe o marco sobre o que artellar a política do autogoberno galego no que respecta á estabilidade, calidade de vida, autonomía e benestar que permita un mellor desenvolvemento das familias galegas nos distintos escenarios sociais (traballo, vivenda, educación, etc).
O Plan quere ser un instrumento para o impulso, desenvolvemento e apoio á familia, así como o marco de referencia sobre o que traballar e deseñar unha política de apoio á familia, facilitando o normal desenvolvemento e integración dos seus membros na sociedade galega.
No seu proceso de elaboración téntase dar centralidade ás medidas dirixidas á coordinación e á implicación das diversas administracións e entidades sociais, así como dos posibles beneficiarios das accións que se recollen no Plan. En consecuencia, preténdese que na constitución do propio Plan se xere un proceso de integración política a diferentes niveis que permita garantir tanto a súa funcionalidade social como a súa propia sostenibilidade.

Como cuestión xeral o Plan as Directrices Estratéxicas marcan as orientacións xerais ao conxunto dos sectores. Son pautas comúns sobre as que articular o desenvolvemento das medidas concretas que se formulan para casa un dos ámbitos de actuación. A estrutura dos sectores e subsectores responde a unha lóxica de planificación. Neste senso, cada sector e subsector está estruturado en Obxectivos, Programas e Accións. Máis en concreto a secuencia de ordenación dos sectores responde á seguinte lóxica: As directrices estratéxicas formulan recomendacións que afectan transversalmente ao conxunto da secuencia Obxectivo Xenérico- Programas-Accións, e que poden axudar ao éxito de implementación das medidas.

Obxectivos xenéricos (Obxectivos da área)

Pretende conseguir efectos xenéricos que a longo prazo supoñan unha alternativa de mellora a problemas e realidades das familias. Correspóndense ao nivel de Planificación estratéxica.

Programas

Marca estratexias de acción e, ao mesmo tempo, identifica metas específicas que, se entende, cómpre desenvolver para acadar o obxectivo xenérico. Procura conseguir uns efectos de carácter máis específico e a medio prazo. Son obxectivos máis específicos que poden derivar dun ou varios obxectivos xenéricos e que equivalerían ao nivel de Planificación táctica.

Accións ou actuacións concretas

Remite á idea de acción concreta, por canto ten un carácter máis focalizado e derivan dunha ou varias liñas de acción. Correspóndense ao nivel de Planificación operativa.

Principios e presupostos metodolóxicos

Corresponsabilización da Administración pública e da sociedade civil. O deseño do IV Plan Integral de Apoio á Familia ten como obxectivo implícito tramar unha rede de colaboración entre os poderes públicos e a sociedade civil, que permita afrontar con maior garantía as políticas e programas en materia de familia. Tan importante como definir as liñas estratéxicas será comprometer aos diferentes actores, públicos e privados, nunha lóxica de cooperación que permita e garanta a implementación das medidas.
Integración dos coñecementos científicos cos saberes sociais. A elaboración do diagnóstico pretende a integración do coñecemento científico e técnico cos saberes que residen na sociedade e co producido nos espazos de participación. O obxectivo é conxugar o conxunto dos saberes existentes e poñelos ao servizo do deseño e da mellora da acción pública e social en materia de familia.
Transversalidade da actuación pública. O Plan asume un carácter transversal, impregnando a actuación de distintos departamentos dentro e fóra da administración autonómica. Neste sentido, quérese establecer espazos de cooperación entre os distintos departamentos da Xunta de Galiza que poden incidir positivamente na resposta á mellora da calidade de vida nas familias galegas. Estes espazos de colaboración fanse extensivos ademais cara a outras administracións e ás organizacións sociais.
Articulación dos planos político, técnico e social. O Plan concíbese como unha estratexia compartida entre os planos político, técnicos e social, polo que habilita os espazos de diálogo que permitan chegar a un consenso entre eles. Todos os actores sociais implicados deben sentir como propio o Plan, polo tanto deben ser os protagonistas da súa elaboración.

Proceso participativo

A elaboración do Plan partirá dunha dimensión netamente participativa, tendo como principais obxectivos os seguintes:

Implicar ao conxunto dos actores relevantes para o deseño e implementación do Plan, integrando os planos político, técnico e cidadá.
Integrar ás distintas perspectivas na constitución dun consenso social estratéxico que corresponsabilice ao conxunto de participantes nas políticas públicas de apoio ás familias.
Asentar un capital social sobre o que apoiar a implementación do Plan, así como outras accións públicas dirixidas ao sector.
Asumir a elaboración do Plan como unha oportunidade de desenvolver unha actuación pública de integración dos colectivos sociais, e definir unha estratexia de cooperación para o futuro.
Construír, de maneira participativa, o Diagnóstico e o Plan de Acción, articulando de forma integrada a información científica e a xurdida nos propios espazos de participación. O traballo destes espazos é clave para organizar o coñecemento do Diagnóstico de maneira funcional para a definición de propostas de actuación.
Debater e contrastar o Plan de Acción a partir do diagnóstico elaborado na primeira fase.

Documentos Adxuntos