Política Social: axudas para facilitar a obtención dos permisos de condución B e C á mocidade galega, dirixidas ás persoas inscritas no SNGX

09/03/2020

Obxecto: Convocar as axudas para a obtención dos permisos de condución das clases B e C por parte das persoas mozas residentes en Galicia, coa finalidade de mellorar a súa autonomía, mobilidade e a súa empregabilidade.

Gasto subvencionable e contía da axuda

O gasto subvencionable é a suma global (importe a tanto global) de obtención dos permisos de condución obxecto da presente orde, baseado no prezo medio de mercado na Comunidade Autónoma de Galicia para cada tipo de carné.

O importe da axuda será de 400 euros para a obtención do permiso de condución de clase B e de 650 € para o permiso de clase C.

O importe da axuda será acumulativo no caso de que unha mesma persoa solicite axuda para a obtención de ambos os permisos.

Persoas destinatarias e requisitos

Poderán solicitar as axudas as persoas mozas que cumpran os seguintes requisitos na data de presentación da solicitude:

• Ter cumpridos os 18 anos, sen prexuízo da idade mínima para a obtención do permiso de clase C.
• Estar empadroadas na Comunidade Autónoma de Galicia cunha antigüidade mínima dun ano.
• Estar inscritas no SNGX e figurar como beneficiarias no ámbito da Comunidade Autónoma de Galicia.
• Estar matriculadas nunha autoescola da Comunidade Autónoma de Galicia no momento de presentar a solicitude ou ben ter o/os permiso/s para o/os cales se solicita a axuda con data de expedición entre o 1 de xaneiro de 2020 e a data de presentación da solicitude.

Prazo de presentación de solicitudes: dende o 10 de marzo ata o día 31 de xullo de 2020, salvo que se produza con anterioridade o esgotamento do crédito orzamentario dispoñible.

 

 

Solicitude e tramitación en liña 

 

Convocatoria: https://www.xunta.gal/dog/Publicados/2020/20200309/AnuncioG0425-270220-0001_gl.pdf

 

En prazo de presentacion: Data límite:31/07/2020